小助手每次去韓國🇰🇷都特別鍾意捐窿捐罅去搵一啲有唔同特色嘅Cafe，除咗可以打卡影靚相外，亦可以休閒地享受片刻嘅都市感性。

最近係清潭站附近竟然比我發現咗超靚嘅歐陸花園，就係呢間只做下午茶☕️嘅Simonettas Garden啦😍😍

2020年底正式開業嘅Simonettas Garden 係一間100% 只招待預訂嘅下午茶Cafe，每日會有兩節時間可以預約嘅，分別係 下午1點-3點 同 下午4點-6點 嘅，大家可以透過手機apps – Egg Dining 預先訂位，咁就唔怕去到韓國🇰🇷又book唔到位咁尷尬啦😉

Cafe 入面分咗3-4人檯同一張5-8人檯嘅，留意返佢哋設有最低消費嘅，3-4人檯最低消費係120,000won，即係如果好似小助手咁打算自己一個去嘅就要比120,000won啦，另外，5-8人檯最低消費係200,000won嘅。

疫情期間係門口做完體溫檢測同手部消毒後就可以入去啦，一入門口感覺超華麗，彷如成為歐洲貴族去享用高貴嘅下午茶一樣。

整個空間都以歐洲風格打造，超多打卡位。

重點嚟啦，入面仲設置咗一個旋轉木馬，令人有置身於北歐小嘉年華嘅感覺吖。

呢度嘅餐具同擺設，每個細節都充滿著歐陸風格。

超推薦呢度嘅三層Tea set，由下至上擺滿咗自家製作嘅咸甜點，配埋佢哋按時令製作嘅各種果醬，太滿足太完美啦。

最近連劉大神劉在石都係呢度拍攝過，下轉首爾行必去吖😍😍美食加環境完美打造嘅歐陸情懷，一節得兩個鐘真係唔夠用吖😝

Simonetta’s Garden
시모네타의 정원
地址：首爾特別市江南區三成洞59-11 (清潭站附近)

 

 

Source: IG@simonetta_gardens, Naver@duran10004