太cute喇😍呢個mini me嘅迷你公仔賀年短片，免費就可以用AI做到！今個新年為親友送上超有溫度嘅祝福，而家即刻教你～

 

Step 1：用Google Gemini生成3D公仔相

 

  1. 先揀一張你嘅靚相，俾AI作為相片生成嘅參考。

  2. 呢個係我用嘅生成指令，大家可以直接copy去用，又或者根據自己嘅喜好同需要去更改內容。

    「根據附圖製作一張高品質的微距照片，採用45度俯瞰拍攝視角。畫面中心是一個精緻的迷你Q版潮玩手辦公仔，擁有超大頭部和細小的身體，要誇張頭大身小的比例，公仔站立在一隻巨大的真人手掌心上，如同蘋果般大小。這個公仔要根據上傳的照片製作，精確還原照片中人物的髮型、表情、特定款式衣服。
    風格與材質：公仔呈現高級的搪膠玩具材質，頭部有寫實的膚色妝容和細膩的布料衣物紋理；真人手掌要紋理清晰可見。
    互動與動態：畫面右側伸入一隻巨大的真人食指，正輕輕戳著公仔肉嘟嘟的左臉頰，臉頰部位因為手指的壓力而產生真實的凹陷變形。
    背景：配合2026農曆新年，生成富有香港特色又有新年氣氛的背景。」

  3. 去呢個網站：https://arena.ai，揀「Direct」入面嘅「gemini-3-pro」模式 ，輸入指令並上傳照片，再揀相片生成 (揀完要check返上面嘅AI工具係咪用緊「gemini-3-pro」，因為有時會跳咗去其他模式)，最後send出去等系統生成相片就ok啦～

  4. 出嚟嘅相片如果唔滿意，你可以撳相片下嘅refresh去重新生成，建議每次先save咗張相再refresh，睇吓自己鍾意邊個version。留意返免費嘅AI生成工具係有次數限制，login咗會有多啲次數可用，但超過咗上限都係要等過咗時限先可以再生成。

 

Step 2：用Grok製作可愛動態影片
 

  1. 先download Grok呢個手機app，再揀你喜歡嘅方式login。

  2. 選擇影片生成，上傳相片令佢「動起來」。

  3. 呢個係我用嘅生成指令，大家可以copy去用，或者發揮創意去更改想要嘅內容。 

    「生成一條短片，一隻巨大的真人食指，輕輕揑著手掌上公仔肉嘟嘟的左臉頰，公仔頭部微微郁動、臉頰因為手指的壓力而產生真實的凹陷變形，然後展現愉快的笑容、跳一小段舞，再從後拿出一張「馬上發財」的揮春。」

  4. 生成嘅影片如果唔滿意，一樣可以refresh去重新生成，而Grok嘅生成次數上限相對較多，大家即管去揀一個啱自己心水嘅版本啦！