嚟緊聖誕、新年好多人都準備去旅行，如果你有寫開行程嘅習慣，不妨用AI將佢變成超有溫度嘅日系繪本啦～🗺️⛩️🗻 

呢個獨一無二嘅旅遊行程，用嚟send俾同行親友絕對係一份超窩心嘅驚喜，放上社交媒體出post亦都勁有個人特色呀💘 

😘嚟啦～即刻學點整！

 

Step 1 - 準備行程

 

列出旅遊期間每日會做咩、去邊個景點玩or餐廳食嘢、時間點分配、交通安排等等。行程內容越詳細同豐富，做出嚟嘅繪本就會越細緻精彩。

呢個係我今次用嘅行程俾大家參考一下：

 

Step 2 - 寫出指令

 

因為指令要寫得仔細，生成嘅繪本先會符合你想要嘅效果，所以建議先整理好指令嘅詳情。

以下嘅指令大家可以直接copy去用，只要改返旅行嘅標題、卡通主角嘅角色就可以（想簡單啲唔要卡通主角可以delete咗佢）。當然你亦可以根據自己嘅需要，更改指令嘅內容，譬如繪畫嘅風格、設計嘅細節、圖片嘅尺寸等等。 

 

請根據我提供的旅遊行程，依照以下元素，設計一張手繪風格的旅行地圖，並以Line Friends的Brown熊大為主角加入其中：

  • 繪畫風格：可愛溫暖的日系文青手繪插畫風，色調以柔和粉色水彩感為主，整體呈現輕鬆歡樂的氛圍
  • 版面設計：以時間軸為主線，將每天行程以「小插圖＋文字」呈現，並以虛線+箭頭連接各個事件點，亦可加入富有目的地特色的元素
  • 在頂部加入標題橫幅：「韓國濟州島・5日4夜自駕遊」
  • 時間標示：搭配時鐘圖示，清楚標註具體時間，例如09:30
  • 交通方式：繪製具體交通工具，如飛機、鐵路、巴士、私家車等，並在對話框中呈現轉乘資訊
  • 景點與食物：若行程中提及特定景點或餐飲，請繪製對應插畫，並標註地名、店舖或地址
  • 文字風格：清晰整潔、帶有手寫風的字體
  • 圖片尺寸：5:4橫

 

Step 3 - AI上傳資料

 

今次用嘅AI工具係Gemini嘅升級版Pro 3功能，大家可以去呢個網站：https://lmarena.ai，响畫面上方揀「Direct Chat」再揀「gemini-3-pro」就可以。

輸入你嘅生成指令，再上傳旅遊行程（我係cap圖上傳），就可以生成你專屬嘅旅行繪本啦！

 

Step 4 - 生成作品

 

生成出嚟嘅效果好靚㗎！但如果你唔滿意，可以撳圖片下嘅refresh去重新生成，建議每次save咗張相再refresh，睇吓自己鍾意邊個version。

但留意返免費嘅使用次數有限制，如果超過咗上限，就要等一個鐘頭先再可以用了～

 

熊大版：

 

Labubu版：

 

純行程版：