妳嘅下裝穿搭聖經：4大身形煩惱嘅快速解方！

🤔係咪成日對住個塞到爆嘅衣櫃，都覺得搵唔到嗰條perfect嘅褲？或者試過無數潮流單品，但著上身又覺得爭咁啲，總係著唔出心目中嘅理想線條？

呢啲大概係每個女仔都會經歷過嘅穿搭小煩惱。身形線條本來就千變萬化，但只要識得運用少少穿搭技巧，一條啱嘅下裝就可以好巧妙咁揚長避短，令妳嘅身形比例睇落更出眾～💞

就等我哋一齊嚟為唔同嘅身形煩惱，搵出可以著得更fit更靚嘅dresscode啦！Let’s Go！


煩惱1 - 腰間嘅小肚腩


穿搭關鍵：將視覺焦點移高啲，再收緊撫平線條！

建議款式：

  • 高腰設計：揀褲/裙頭高過肚臍嘅款，利用胸下面全身最瘦嘅位置，重整返條腰線出嚟。
  • 粗橡筋腰款：唔同會勒肉嘅幼橡筋，有一定闊度嘅粗橡筋褲/裙頭可以溫柔又有力咁包實個小腹位，同時收緊腰間嘅小胖肉，令腰線重現出纖瘦感。
  • 挺身/塑形布料：有返咁上下厚度同硬淨嘅牛仔布、西裝料，可以俾到腹部足夠嘅支撐，或者以塑形、緊緻功效嘅面料，物理性咁修飾線條。

避雷款式：

  • 中、低腰設計卡住肚腩位嘅下身款。
  • 布料太軟、太貼身嘅款式（例如薄針織、綢緞）。

妳的命定系列：【王牌收肚系列】click>> 


煩惱2 - patpat肉同假跨寬


穿搭關鍵：避免緊身包實hip位，要用俐落嘅A字或直線條去重塑輪廓！

建議款式：

  • A字裙/傘擺短褲：由腰位開始向下散開嘅A字線條，可以完美修飾所有臀胯嘅肉感，絕對係梨形身材嘅救星。
  • 直筒寬褲/闊腳褲：寬闊嘅褲管提供強大嘅遮蓋力，直接創造出流暢俐落嘅下半身輪廓，將patpat肉、假跨寬呢啲問題完全收埋。
  • Boyfriend褲：微鬆而唔貼身嘅剪裁，可以輕鬆修飾臀部線條，打造隨性又有型嘅風格。
  • Baggy褲：比Boyfriend褲更寬闊，整個hip位都冇壓力極有空間感，遮蓋臀部肉肉位同唔順暢嘅線條。
  • 有垂墜感嘅長褲：揀啲順滑、有少少重量嘅布料，褲管會自然咁垂落嚟，唔會貼實patpat同大髀，遮掩咗肉肉嘅位置。

避雷款式：

  • 所有緊身包貼hip位嘅裙或褲款，例如包臀裙、魚尾裙、貼身褲。
  • patpat兩邊有大口袋或者複雜設計嘅款式。
  • 太軟、彈性太強搞到好貼臀嘅布料。

妳的命定系列：【臀肉byebye系列】click>>


煩惱3 - 腿線唔夠完美 (大髀粗 / 小腿壯 / 腿唔直)


穿搭關鍵：識得聰明咁「隱藏」不完美，再以版形「重塑」更靚線條！

建議款式：

  • 闊腳褲/Baggy style褲：最強大嘅「腿形重塑器」，闊闊嘅褲管可以將粗大髀、壯小腿、O/X型腿等問題一次過KO，直接塑造全新腿形。
  • 直筒褲/Boyfriend褲：最百搭嘅「腿形橡皮擦」，可以執靚大部分腿粗同腿唔直嘅問題，效果自然又俐落。
  • 喇叭褲：膝頭哥對落開始散開嘅設計，係專門對付小腿粗壯嘅專家，仲可以平衡返大髀嘅份量。
  • A字長裙/傘擺長裙：寬闊嘅裙擺可以將成對腳完美隱藏，無論大髀粗定小腿壯，所有腿形煩惱一掃而空，係最有安全感嘅選擇。
  • 直筒裙(適度鬆身)：揀布料有返咁上下挺身、版形唔會貼實大髀嘅款，以直上直落嘅線條修飾腿粗問題，腿線睇起嚟更俐落。

避雷款式：

  • 太過貼身嘅裙或褲款，例如包臀裙、窄腳褲、leggings。
  • 長度剛好卡住小腿最粗位，同時偏貼身或軟身布料嘅裙或褲。
  • 過短或過緊嘅短褲、短裙。
  • 大髀兩側有大口袋或者複雜設計嘅款式。

妳的命定系列：【修靚腿線系列】click>> 


煩惱4 - 唔夠高或5:5身比例


穿搭關鍵：腰線決定腿長，視覺比例先係王道！

建議款式：

  • 高腰設計：將腰線拉高一吋，雙腿即刻長三吋！呢個係打造黃金比例嘅永恆法則。
  • 九分長度：適度露少少全身最瘦嘅腳眼出嚟，視覺上有延伸感，個人即刻輕盈同高挑咗。
  • 落地長褲：長度蓋過腳面嘅褲款，可以再喺入面靜靜雞襯返對有跟或厚底嘅鞋，係神不知鬼不覺嘅增高神器。
  • 垂直線條款：有垂直坑條嘅布料、百褶裙等等，都可以喺視覺上產生一種縱向拉伸嘅效果。

避雷款式：

  • 中、低腰設計嘅下身款式。
  • 及膝裙、五分褲或七分褲（尤其唔係高腰款嘅話）。

妳的命定系列：【秒變長腿系列】click>> 

 

欣賞自己嘅美麗


扮靚最好玩嘅地方，唔係要盲目追求所謂嘅完美身材，而係學識欣賞同發揮自己獨特嘅地方。希望呢份「穿搭聖經」可以成為妳嘅快速指南，幫妳施展令自己更自信、更美麗嘅造型魔法。

記住，最fit妳嘅，永遠都係最好嘅dresscode～💖